Որոնում:

??? ??????? ??????? ??????? ?????? ?????????? ????????????????` ????????? ??????? ??????? ??????? ?. ??????????? ?????? ??????????????????? ????????????? - MFA NKR

??? ??????? ??????? ??????? ?????? ?????????? ????????????????` ????????? ??????? ??????? ??????? ?. ??????????? ?????? ??????????????????? ?????????????

ԼՂՀ արտաքին գործերի նախարար Գեորգի Պետրոսյանի մեկնաբանությունը` Ադրբեջանի արտաքին գործերի նախարար Է. Մամեդյարովի վերջին հայտարարությունների կապակցությամբ

Հարց: Ինչպե±ս կմեկնաբանեիք Ադրբեջանի արտաքին գործերի նախարարի հայտարարությունները Հայաստանի նոր ղեկավարության դիրքորոշման ՙորոշ նրբերանգների՚ մասին:

Ինձ հայտնի չէ որևէ փոփոխություն ադրբեջանա-ղարաբաղյան հակամարտության վերաբերյալ ՀՀ դիրքորոշման մեջ: Ինչպես արդեն հայտարարել է Հայաստանի իմ գործընկերը, Լեռնային Ղարաբաղի վերաբերյալ հայկական կողմի դիրքորոշումը փոփոխություններ չի կրել:

Փոփոխության չի ենթարկվել նաև ԼՂՀ դիրքորոշումը հնարավոր համաձայնագրի կապակցությամբ: Առանց ԼՂՀ ժողովրդի համաձայնության Ադրբեջանի հետ հակամարտության կարգավորման որևէ փաստաթուղթ չի կարող ստորագրվել:

Հարց: Ադրբեջանական Հանրապետության արտաքին գործերի նախարարը հայտարարել է, որ հակամարտության խաղաղ կարգավորումը արդեն փոխզիջում է Ադրբեջանի կողմից: Ձեր մեկնաբանությունը:

Ադրբեջանական կողմի այն դիրքրոշումը, որ խաղաղ կարգավորումն արդեն իսկ փոխզիջում է, վատ քողարկված դիվանագիտական շանտաժ է միջնորդների և Հայաստանի նկատմամբ: Պաշտոնական Բաքուն սկզբում հույս էր դնում ուժային ճնշման, սպանալիքների և շանտաժի վրա: Ադրբեջանի նման քաղաքականությունը, որը նպատակ ունի առաջ տանել հակամարտության կարգավորման իր սցենարը, ոչ միայն վտանգում է բանակցային գործընթացը, այլ նաև` տարածաշրջանային անվտանգությունն ու կայունությունը:

Հարց: Ադրբեջանը նորից է բարձրացրել Լեռնային Ղարաբաղի վերջնական կարգավիճակի որոշման հարցը` որպես օրինակ բերելով Թաթարստանի մոդելը: Ի±նչ կասեիք տվյալ հարցի վերաբերյալ:

Խոսելով Թաթարստանի մոդելի մասին, որպես Լեռնային Ղարաբաղի համար ինքնավարության հնարավոր տարբերակ, Ադրբեջանի ներկայացուցիչները հաշվի չեն առնում այն փաստը, որ Թաթարստանը դաշնային պետության սուբյեկտ է: Եթե Ադրբեջանը մտադիր է դառնալ դաշնային պետություն և ազգային փոքրամասնություններին` լեզգիներին, թալիշներին, ավարներին և ուդիներին տրամադրել դաշնության սուբյեկտների կարգավիճակ, ապա այդ Ադրբեջանական Հանրապետության ժողովուրդների իրավունքն է: Տվյալ նախաձեռնությունը ողջունելի է, սակայն այդ կազմավորման մեջ մենք մեզ չենք տեսնում: Մենք մեր ընտրությունը կատարել ենք: Մեր անկախությունը չի կարող առևտրի առարկա դառնալ:

16.06.2008
Արտաքին գործերի նախարարություն
Լեռնային Ղարաբաղի Հանրապետություն
ԼՂՀ, Ստեփանակերտ, Ազատամարտիկների 28
Հեռ: (+374 47) 9 44087,
Ֆաքս: (+374 47) 9 71551, Web: www.nkr.am
Բոլոր իրավունքները պահպանված են. © 2008
Ստեղծված է Ghazanchyan.com