Որոնում:

Լրագրողների հավատարմագրման կարգը - MFA NKR

Լրագրողների հավատարմագրման կարգը

Արցախի Հանրապետության ԱԳՆ տեղեկատվության և հասարակայնության հետ կապերի վարչությունում հավատարմագրման

ԿԱՐԳ

Հանրապետական ԶԼՄ-ների, Արցախում արտասահամանյան ԶԼՄ-ների սեփական թղթակիցների, կարճատև ժամանակահատվածով Արցախում գտնվող օտարերկրյա լրագրողների համար:  

Արցախի Հանրապետության ԱԳՆ տեղեկատվության և հասարակայնության հետ կապերի վարչությունում գործում է հավատարմագրման հետևյալ կարգը`

Համաձայն «Զանգվածային լրատվության մասին» ԼՂՀ օրենքի՝ Արցախի Հանրապետության ԱԳՆ-ում հավատարմագրում ստանալու համար պահանջվում է ԱԳՆ տեղեկատվության և հասարակայնության հետ կապերի վարչություն ներկայացնել հետևյալ փաստաթղթերը.

1. Նամակ-երաշխավորագիր լրատվամիջոցի տնօրենի կամ գլխավոր խմբագրի ստորագրությամբ և կնիքով,

2. Մեկ լուսանկար` 3x4 սմ չափերի (հնարավոր է` թվայնացված),

3. Անձը հաստատող փաստաթղթի (անձնագիր) պատճենը (հնարավոր է` թվայնացված),

4. Լրացված դիմում-թերթիկ (application form),

Հավատարամագրման ժամկետն ավարտվում է ընթացիկ տարվա դեկտեմբերի 31-ին:

***

Կարճատև այցով Արցախում գտնվող օտարերկրյա լրագրողներից պահանջվում է Արցախի Հանրապետության ԱԳՆ  տեղեկատվության և հասարակայնության հետ կապերի վարչություն ներկայացնել հետևյալ փաստաթղթերը.

1. նամակ-երաշխավորագիր լրատվամիջոցի տնօրենի կամ գլխավոր խմբագրի ստորագրությամբ և կնիքով, որտեղ նշված կլինի այցի նպատակը, լրագրող(ներ)ի անուն(ներ)ը և նրա(նց)` Արցախում գտնվելու ժամկետներն ու ակնկալվող հանդիպումների ցանկը (տարբեր պետական կառույցներում հանդիպումներ խնդրելու դեպքում նախընտրելի է այդ նամակը ստանալ վաղօրոք`10 օր առաջ, էլ-փոստով` press@mfa.nkr.am հասցեով),

2. Մեկ լուսանկար` 3x4 սմ չափերի (հնարավոր է՝ թվայնացված),

3. Անձը հաստատող փաստաթղթի (անձնագիր) պատճենը (հնարավոր է՝ թվայնացված),

4. Լրացված դիմում-թերթիկ (application form),

5. Հավատարմագրումը կատարվում է Արցախի Հանրապետության ԱԳՆ տեղեկատվության և հասարակայնության հետ կապերի վարչությունում տվյալ լրագրողին տրված Արցախի Հանրապետության մուտքի արտոնագրի ժամկետով:

 

 Հարցաթերթիկ

Արտաքին գործերի նախարարություն
Լեռնային Ղարաբաղի Հանրապետություն
ԼՂՀ, Ստեփանակերտ, Ազատամարտիկների 28
Հեռ: (+374 47) 9 44087,
Ֆաքս: (+374 47) 9 71551, Web: www.nkr.am
Բոլոր իրավունքները պահպանված են. © 2008
Ստեղծված է Ghazanchyan.com